溫度日記
Hearty Journal

3月 26日的日記
唔知佢仲記唔記得之前有段短片係用我同佢嘅相加埋《Every day i love you》呢隻歌製成嘅音樂相片呢? 唔知點解就算依家我睇返呢條片嘅時候,我都係會有種痛痛地同好驚嘅感覺。雖然我地至從見完之後大家嘅關係係好左好多, 但始終嘅係我好怕又會好快咁打回原形。或者原因就係之前太多次好唔夠兩日總會鬧交吧,其實每次鬧交兜黎兜去都係果個問題… 唔知佢真係蠢成咁定還是扮蠢,由我開始見住佢慢慢咁疏遠跟住唔可以見面唔可以主動搵佢甚至唔可以打電話俾佢,加上佢對我變得冷淡,莫不關心。我好想講我真係真係好無安全感,每日我都要對住任何人帶住個面具扮到好堅強好硬淨咁其實我唔係咁硬淨架炸。以前我或者會覺得佢會係我依靠,但依家我明白到唔係我想就一定會係。我知我嘅依靠只係得自己,我唔係埋怨定俾說話佢聽而係想佢知道我都會有好需要佢支持嘅時候。但我唔敢打擾佢太多事所以寧願將問題收埋係個心到都唔想煩到佢, 每次我嘅壓力同情緒都已經去到極限時… 我最渴望嘅就係佢一個擁抱同一句別怕有我在!

溫度日記 Hearty Journal