《麻煩你》 <麻煩說多一次 只怪是我沒經驗> < 多得你 使得心窩 只剩餘碎片> <仍然陶醉 你狠心對待 仍然很冀待> < 肯施捨你愛 誰又夠我想得開> <麻煩你傷我心 麻煩你使我再下沉 > <麻煩你 用心 使我痛哭可以更興奮> <麻煩你使我更傷 誰人都說吃得苦> <才被景仰 倘有些同情心理> <麻煩你 盡量殘忍給我福氣> 今日佢冷淡左好多仲要無緣無故發我脾氣，點解佢同我總係唔能夠一直keep住好落去？ 有時我都唔知係我唔了解佢定係我地嘅感覺真係變左？ 望返轉頭到底笑嘅日子多定還是流淚嘅日子多… 可以坦白咁講流淚嘅日子比笑嘅還多。 每次我流淚嘅時候我好想佢會伸手去幫我抹去臉上嘅眼淚，但每次出現係眼前嘅人都唔係佢。 我地其實真係有好多嘅事都未曾做過，未試過下搵個無咩人認識嘅地方睇下嘢行下… 未試過去戲院睇一套戲… 未試過陪我去冒險樂園玩… 未試過係軟弱無助嘅時候出現眼前保護我… 一個無聲嘅擁抱勝過千言萬語，一句別怕！有我在，好比我愛你更能觸動人心… 《得到一刻開心過後 不開心怎麼都不開心 誰責任》 一直我都好少會同人講我內心嘅事，開心定唔開心都唔多點同人講。因為就算我想講都無人願意去聽，去關心。 曾經我遇過一位令我會打開內心世界俾佢去了解我嘅一切，但打開左之後原來佢只係想隨意咁睇下入邊有D咩。 至此我再一次緊緊咁鎖返埋我內心世界，根本無人會在意我諗緊咩開心定唔開心。 《矛盾只因深愛著 你知嗎誰期望這刻擁抱完 然後吵架》 係幾日前我突然提起熊貓飯，佢雖然答我佢仲記得… 但記得又如何？我唔係要你就咁記住就算，我係想你履行你對我嘅承諾…你到底明唔明牙？你仲記唔記得你講過會帶我去食架？結果呢？我已經去左果間嘢到食左啦但帶我去嘅人始終都唔係你。 其實食咩都唔係重點，重點係你對我許下嘅承諾一次又一次咁由他人代你去實現。 《你為我放一場煙花 跌下來瘡疤痛定思痛 未來 算吧》 對佢我最大嘅失望係從來都無去履過任何一個佢對我嘅承諾， 如果無諗過會履行但點解要承諾咁多嘢？信任你要破壞真係好易但重新建立就好難，眼前嘅你坦白嘅係我睇唔到你有付出誠意去修補大家之間嘅距離。或者你會話你好忙好多嘢煩，但你係未真係忙到抽小小時間出黎俾我都咁困難呢？你只係覺得我係到迫你，但你有無諗過我個肚一日一日咁大你連一眼都無真正咁望過我。 我嘅感受你又有無去諗過去顧及過？ 其實依家我對你嘅果份感覺係好辛苦同難受，我好似要放低尊嚴咁去等一個唔願意見到自己人… 明明係雙方嘅責任應該係一齊去承擔但結果默默自己承受都算但換黎嘅係一堆比粗口更難聽嘅說話。 雖然你話你好愛好鐘意我，但已經唔能夠再次打動我。因為你根本無用心用誠意用行動黎挽留呢段感情，點樣講到山盟海誓海枯石爛都無用，我都知你講完唔做我又做咩咁在意呢？