喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

3月 2日的日記
《不許你注定一人》 《不許你注定一人 永遠共你去抱緊》《一生中百樣可能 愛上你是種緣份》 《簡單的一吻 手心的抖震》 《示意我再不必孤單寄生》 《只想會有日可能 與你共姓的身份》《要回望這生 也有你陪襯》 《不作陌生人 只做你情人 不枉此生》 到底係咩原因總係離唔開,放唔低? 明明好討厭,明明恨之入骨,明明已經痛得心如刀割,明明失去信任,明明遺忘初衷…… 愛上一個人好易但原來忘記一個人真係好難,好多人都話我呢世都係死係愛情呢兩個字。無可否認我對黃生總係口硬但心軟,明知佢講緊大話寧願自己扮傻。佢到底仲值唔值得我愛落去,我自己都唔識得答我自己。 到底佢幾時先會認真咁去諗下我地之間嘅關係,暫時大家都好似回復初衷但又可以好到幾耐呢?2日3日定係1個星期?每次都係咁重複住我淡我攰我選擇離開之後佢哄佢挽留復合… 其實我唔係要佢二選一或強行留住佢個人係自己身邊。如果佢真係對其他人產生左感情我會退出同澈底死心。總好過依家拍拖唔似拍拖,我係有男朋友定單身連自己都分唔清。 我同佢已經好耐都無見面,每次當我問到幾時先捨得見我每次佢都有唔同嘅藉口俾我。 今次佢就叫我俾時間佢整埋手頭上嘅工作,我好想問你嘅工作同我地見面又有咩關係呢? 點解你有時間去同人車聚但無時間見我一面? 個問題未就係咁囉,其實預期大家都唔會再見面的話…不如真係乾脆咁分開仲好? 呢個決定或者對大家反而仲好…唔通諗住咁樣拖住我一世? 做人唔好咁自私得嗎? 我俾自己同佢一個月嘅期限,如果呢一個月大家都仍然係保持目前狀況。我真係放手唔再愛,我認真諗左好耐。拖拖拉拉係解決唔到問題… 你選擇逃避咁我就自己去面對。 我唔係唔再愛你,我唔係變左心,而係我已經等到唔知自己等緊咩。 係我選擇離開你之前我真係有等過你一段長時間,但你從未察覺有人一直等緊你。
請輸入密碼

溫度日記 Hearty Journal

刪除 貼上