今晚同個朋友食完飯之後傾左好耐計，我同佢無論經歷，性格定或待人處事都係極之相似所以大家會特別投契。知己一二抵過千百個泛泛之交呢句說話正正最適合用係佢身上…大大話話大家都已經相識左4年！ 明明 原本係聽佢訴苦結果就變成互訴心中情，當佢問我依家對拍拖有咩感覺嘅時候…大家都會有相同嘅答案就係好攰寧願單身都唔想重新適應一個人一段感情。 依家我對黃生種感覺已經唔同之前，有好多以前我會著緊嘅嘢去到今日我已經變成佢鐘意點就點。改變唔到嘅嘢自己緊張黎都無用。加上自己都明白到格硬係埋一齊大家都好辛苦。 我好想同佢講大家不如真係分手啦，你一直都只係同我拖拖拉拉…你話想補償過去俾大家一次機會復合。其實我真係感受唔同睇唔到你嘅誠意係邊。你只係再次重複大家嘅問題 到底你仲有無愛我，我係感覺得到。 我唔明你明明都唔愛但點解都唔放我走？你依家只係折磨緊我。 你到底有無為我諗過？我已經要開始準備bb嘅嘢但你有無關心過？我好攰啦…放過我好嗎