喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

2月 25日的日記
我打左一段比較長嘅信息俾佢,可能太長又或者又係講果堆說話掛…我感覺到佢其實無認真咁去睇過我到底打過D咩。 其實我好想佢會認真咁回覆我信息,我好想知道佢嘅真心說話。不過想同現實永遠都係兩件事… 就好似今次復合咁,我好想大家可以好似以前咁開心…但現實嘅係根本就返唔到轉頭。 而有好多嘅傷痕永遠都唔會磨滅…我成日都諗你點解要搵返我呢,你個心都已經早早離開左我。點解都仲要對住我做戲呢?你唔辛苦咩,由其你講完呢番說話後 《我唔搵你,你就要生要死,到我搵你,你又話我冇做好男朋友要做既野甘我想問下我應該點樣做你先會開心同滿意?定係一定要搞到我家破人亡,所有人都知道我對唔住你,我係一個仆街你先開心?》 我就好肯定你根本愛嘅已經唔係我或者從來都無愛過我,愛一個人又點會捨得令佢傷心。而且我都無勇氣愛下去。 我自己好清楚今次對佢嘅感覺完全變晒,過去我成日會幻想佢出現係我眼前嘅時候會係點…相反依家諗都唔會再諗因為知道大家根本唔會再見,如果係會見嘅一早就見左啦。 其實一直咁拖拖拉拉落去又有咩用呢?《不能給你未來 我還你現在安靜結束也是另一種對待 當眼淚留下來傷已超載 分開也是另一種明白我給你最後的疼愛是手放開》
請輸入密碼

溫度日記 Hearty Journal

刪除 貼上