By- 哪裡只得我共你 《我要將你拯救 逃離人類荒謬 就用我的雙手 帶著你走掙扎 不 只緊扣從未低頭 途經幾百萬傷口 站在我的身後 要確保你無愁沒憂 不聽閒言 若你好 就已經 很足夠 生存 就這麼 愛到死 很足夠》 今日佢突然sd左哪裡只得我共你呢首歌俾我，起初我真係無咩大嘅感覺。唔知係未對佢已經失去信任嘅原因過去佢都會用歌表達愛意，但依家佢就算再做多一次同樣嘅動作…我都只係一笑而過但已經唔敢再相信多一次。 要重新信任一個人真係好難，而且對方仲要係傷得自己最深嘅人。 我有諗過佢會唔明白點解我會話佢係傷得我最深嘅人，仲記唔記得我地岩岩係埋一齊嘅時候你用左16日嘅時間打動左我，令我放低一直都放唔低嘅舊一段情？你為我所做嘅一切講過嘅每一個承諾我都記得一清二楚…同時係果段日子中係我一生人第一次實實在在咁感受到幸福呢兩個字！但之後你對我嘅變化簡直係兩個唔同待遇。 好極端…… 依家嘅我其實都唔知應該用咩心態去面對佢，情侶唔似情侶…朋友唔似朋友。到底前面係點我都唔太清楚…我只係知道連見佢一面都已經連諗都懶得去諗，佢有心想見我的話。就算見得佢果5分鐘我都願意去見，但相反你連呢5分鐘都唔願意去望我一眼。我只可以講我嘅青春有限，到左我俾自己嘅限期你仍然唔出現我眼前，我唔會再返轉頭。