喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

2月14日 難忘的情人節
By-你不是好情人 《已經 沒眼淚 戀愛非錯便對 明知 與你相戀多長命 亦未會娶 曾聽說 你那顆心愛定事業 現在有著誰其實當玩具 偶爾玩累 再遇玩具便會想追 痛恨你這情人非好情人 你閒來出手勾引 如今教我驚震 被你熱吻是狂賣性感 夢中情人極好品 我誤信我靠真心改變緣份 就是被狂吻 情人同樣變心》 2月14 情人節,街上有好多一對對嘅情侶都好甜蜜溫馨。而我就是但咁搵個朋友攝時間… 今日同佢嘈左兩句,但就係因為呢兩句令我加速咁淡落去。當佢講《甘你想我點?放低哂所有野去迎合你既需要?》 其實當時你都已經就放工,咁我都只係想聽下你把聲。難道真係忙到幾分鐘時間都無嗎? 你已經唔係第一次講架啦呢D說話,我唔會再去幻想係我難堪,我無助時你會係我身邊嘅情境。你只係要我去體諒你為你無條件咁付出,而你就不勞而獲咁去接受被愛。其實我同你都係一樣都需要被愛架,你忘記左嗎? 假如我個心已經無左你呢個人,我肯定唔會有想見你嘅感覺…當你講 《甘我係咪要日日都黎搵你你先滿足?》唔需要日日你只係肯去見我一陣我都已經滿足,但我地有幾耐無見你又知唔知? 當你愛一個人嘅時候,你會有種想見佢嘅感覺。有D問題大家根本就心中有數,我真係好想問問你覺得我地依家似係拍拖咩? 你問我我地嘅問題係出係邊到,好唔夠兩日總係會鬧交。或者我地之間已經唔同左,無左份愛嘅感覺。你問問你自己仲愛我嗎?如果你係愛我但點解我又會感覺唔到呢?好坦白咁講我對你已經係淡左好多,已經無左當初果份感覺。原因係有好多嘅承諾你都係講完就算,你無諗住會履行承諾咁點解又要向我承諾咁多樣嘢呢?不論大事定小事,有邊樣嘢你係做到俾我睇?好簡單嘅一件事例如你話第二日打俾我,結果係點?未又係無做到…之後話知衰對唔住…又怎樣那樣。夠啦…我地依家不斷咁重複緊個問題,係埋一齊重有咩意思? 有好多嘢你當時無做到就係無做到,唔係你話補救就可以補救到。愛係要及時,唔係要真正咁失去先識得珍惜。
請輸入密碼

溫度日記 Hearty Journal

刪除 貼上