喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

2月 13日的日記
《是我的 苦惱自尋愈要 為何愈近 卻怕來日接吻 藏在你後面是某人 而明知傷過後女人永沒法 放下是戒心恨這陰影太暗 暗到像靈魂纏在我附近 如何擔保以後你永沒類似 的 故事發生就算拖緊的手也在震 即使我 仍然愛你 難道要 承受一些歪理 如若再有途人卑鄙介入 當緣分注定 》 By- 戒心 今日去左山景搵朋友傾計順手避開牙姨佢地,其實有時都會諗點解真係唔會有一個人係肯願意企係我嘅角度去睇睇,用心咁感受一下我嘅感受。 琴晚睇乘勝追擊某一段嘅時候我真係好感觸,係曦昕被柏義蝦嘅時候,家聰會奮不顧身去保護曦昕,就算被人打到口腫面腫都在所不惜因為佢唔希望自己愛嘅女人受到任何傷害。 家聰自責自己無好好保護對方,家聰知道 曦昕一直都只係扮演一個堅強嘅女仔,其實佢係好需要一個會願意係佢徬徨無助嘅時候出現保護佢嘅人。當家聰張開雙手同曦昕講以後嘅日子會好好保護佢,而家聰嘅胸膛會係昕最好嘅避風港灣。 唔知我嘅避風港灣又會幾時出現呢? 當我同朋友提及到我復合呢件事,佢地都講終於俾你等到呢日啦唔好再唔開心啦… 雖然話就話一齊返,但實際上同之前愛理不理呢段時間嘅關係又有咩分別? 未又係文字戀愛… 唔知係未被忽略得太耐嘅原故,我發覺到我對佢已經無左過去果種好想依賴佢嘅感覺同時失去對佢嘅信任。 佢講真又好講假又好我都唔想去諗得太多,追問真相到最後傷心嘅都只係自己。 朋友都有講留意到我比之前唔同左,之前我成日都會係電話到用app整我同佢嘅舊相…相反依家再無見我打開我同佢嘅舊照。 都唔知由幾時開始連我都慢慢咁忘記過去點滴。適應一個人嘅日子,係好凍嘅日子無人擔當人肉暖蛋俾自己取暖所以要好好照顧自己,係孤單寂寞嘅日子中學識放低執著放過自己。
請輸入密碼

溫度日記 Hearty Journal

刪除 貼上