By- 驗傷 《我尚有對手 這雙腿會走  想找你驗過我心死沒有  只可惜傷害不見切口 製造藉口能叫我守候  我未怕獻醜 寂寞多自由  不需再顧慮濃或淡妝 你不接受  你新的女性好友 我祝她跟你恆久  心死得更透驗過傷可否惹你內疚》 對方愛唔愛自己其實又點會感覺唔到呢！當 愛上一個人自己會好自然咁關心同對方有關嘅所有事，會著緊會在意！ 至從黃生搵返我之後佢對我嘅態度雖然係比之前好左多左溝通，正常我應該係開心先岩但我反而感覺到佢並唔係發至內心真心想同我重新開始。我唔知係自己對呢段感情失去信心定還是佢真係連戲都懶去演得迫真嗎？ 一直我就算幾辛苦幾唔開心都會堅持到底等待佢返自己嘅身邊，但今次我竟然選擇放手轉身離開其實佢又有無認真咁諗過當中嘅原因？ 佢一直都話想補救返過去嘅事想係我身邊做返男人應該做嘅本份，其實問心嘅一句如果唔係我自殺驚動到Leo知道內情呢件事…佢又會唔會突然對我態度有所轉變？我諗未必會吧。 過去我對你係點，你同我大家心中有數。點解當初你唔會有呢D感覺？係直到今時今日先出現呢D感覺？其實我只係想簡簡單單咁拍拖，我唔想同對方玩捉心理嘅遊戲。由你叫我做豬果下，之後再解釋點解咁稱呼我。我直覺話俾我知你又再次係我面前講大話。你嘅解釋牽強到我都唔知點樣去相信… 我真係好想同佢講，你唔愛我的話可唔可以放過我放我走牙？ 孤單寂寞嘅日子夠啦，愛理不理莫不關心嘅日子夠啦，你瞞我瞞嘅日子夠啦…我身心都已經好攰，個心都已經傷痕累累。過去我喊嘅時候你無伸手去為我抹去，你嘅視而不見成為我逃避你嘅原因。