喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

2月 10日的日記
BY- 跌落凡間的天使 《是 我剩下零分 沒 甚麼的可能 情感 已被回收幾百份我 也冒要攀登 為何還流動在心扉 日後只想抱著你 仍無懼是落差二萬六千里 就算再三被下放到絕地 這愛仍然不死 我要共你一起 凡塵裡原是沒先知 並沒把握你願意 忘懷萬丈夜空在地上奔馳 是你的聲音在訴說幸運 我盼搏你歡心 你 延續了這段情史 能否聽多一次 》 我記得呢隻歌係之前係你車上聽到會冧痴痴咁偷望你,唔知係未太耐嘅關係自己都諗唔起當時我嘅表情係點印象都唔太記得。 變返單身嘅日子中,偶然都會坐下朋友嘅順風車…曾經有幾次係朋友車上都會聽到呢首歌。同一首嘅歌可以聽出兩種感覺,起初身邊果位係黃生嘅時候會覺得首歌好甜蜜,相反由黃生係我身邊慢慢咁消失之後聽返竟然係心酸嘅感覺。 好耐好耐都無同佢傾過電話啦,當佢叫我打俾佢嘅時候我真係掙扎緊到底打唔打俾佢好。因為我都唔知講咩話題做開場白,好怕揸住個電話但又唔講嘢,好怕電話中嘅係一個冷冷淡淡嘅佢。突然間覺得原來我同佢嘅距離已經係咁遠咁陌生, 雖然大家有講有笑,可能太耐無真正聯絡嘅關係其實我好唔慣。我電話好耐都無試過會響多過一次,基本上都好小人打電話俾我。依家嘅黃生對我雖然係好左好多,不過總係覺得有D嘢已經係遲左。但我自己都唔知有D咩已經係遲左,相反我只係知道我無以前咁開心就係真嘅。我唔敢俾自己太開心啦,因為幸福同開心從來我都唔配擁有。 我對今次復合真係無晒信心,我好驚我放返感情落去嘅時候佢又再次選擇狠心咁去傷害我。其實我好想話俾佢知呢個月入邊我真係受夠折磨啦,就算身邊有其他男仔親近我想對我好…我一一都將對方推到好遠好遠嘅原因唔係因為仲愛你,而主要原因係我好難再攞出勇氣去相信愛情。我成日都會問人係未我唔好所以佢先會咁對我,點解要係我感覺到自己遇見幸福時又狠心咁掟低我 ? 由你安排好點去疏遠我果日開始直到今日你知唔知道我無一日係會真心咁笑出黎,都感覺唔到有咩值得去開心。夜晚我唔敢去訓因為好多事都會夢見返以前同你最開心嘅時候,每次我都會扎醒發現自己喊濕左個枕頭。 如果你唔係真心愛我,我求下你唔好再傷害我放過我俾條生路我行牙。好嗎?我真係傷唔起承受唔起種種心痛。
請輸入密碼

溫度日記 Hearty Journal

刪除 貼上