溫度日記
Hearty Journal

2月 9日的日記
BY- 矛盾一生 《偏偏分手這種對白 說出口  永遠有個傷口 移不走  搞不清楚我累還是 你不夠  作個最適當決定 別再佔有  矛盾只因深愛著 你知嗎  誰期望這刻擁抱完 然後吵架  你為我放一場煙花 跌下來瘡疤 痛定思痛 未來 算吧  回頭看最初多快樂 記得嗎  竟會沒決心成家 當你遲遲未改變 就讓我改變吧 這個決定多可怕 》 一直以黎對於我同芒果嘅呢段感情我都無去要求對方作出任何付出或決定。只要對方開心我就開心…兩個人簡簡單單係埋一齊就夠,但唔知因為咩原因我地之間開始變質。一個追一個避…從前嘅開心已經澈底咁消失得一乾二淨,當佢越黎越冷淡越黎越陌生嘅時候…相對地我對佢都變得越黎越唔再係原來嘅自己! 係我決定分手之前,我曾經抱住好多次嘅期望例如芒果會回心轉意,芒果會發現我付出嘅一切芒果會點點點… 可能就係期望越大失望就越大,加上係呢短短嘅幾個月中發生左太多事而令我身心疲累。由其當我知道有另一個女仔出現嘅時候,一直抑壓係心嘅所有事一次過咁爆發晒出黎。連自己都估唔到原來抑鬱嘅問題係多到數唔到,今次佢對我雖然係有做挽留呢個動作…但係我眼前所睇到嘅佢又係唔係真心呢?定還是佢唔想做千古罪人先咁做?我都唔知自己仲應唔應該選擇相信佢。

溫度日記 Hearty Journal