喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

2月 8日的日記
《 就在這秒奪回曾遺忘的尊嚴 勉強去乞討你還是沒意義 仍然感激你贈我最痛日子 無情地贈我傷痕 長留在此》By-尊嚴 我承認我係好愛你,愛你愛到可以放低自己嘅尊嚴去換取你一丁點嘅憐吻。每一個人當愛另一個人去好深好深嘅地步會好自然甘心為對方連尊嚴都可以唔要…為嘅只係可以留係對方嘅身邊。其實一切都只係太愛對方太怕失去對方! 當我回想返之前,我係過去嘅每一日會不斷去諗自己到底有咩做得唔好,到底我應該做D咩係可以討到佢歡心,可以變返最初嘅大家。 但係愛情世界入邊根本就唔可以勉強,到最後強求得到嘅都只係一堆傷害。 唔知你仲記唔記得每次我對你講我想見你,我想你理我多D,我想你重視下我嘅時候係咩情境?每次你都係好膚顯咁打發我就算,我每次都總係好失望咁接受你嘅回應。 其實對方愛唔愛自己,自己又點會感覺唔到?愛一個人嘅時候自己會好希望可以令對方每一日都過得開心,但你見我過得開心嗎?我根本就唔覺得被忽視嘅日子我係過得開心,不聞不問莫不關心嘅日子中…我就好似乞衣咁求你嘅愛。當我越去討好你嘅時候我就越卑微,卑微到連見你5分鐘嘅資格都無…呢D根本都唔係我想要嘅嘢。 係呢幾個月入邊,我真係澈底咁感受到咩叫身心疲累。係我需要你嘅時候你係邊?係我出事嘅時候你係邊?係我受委屈嘅時候你係邊? 你通通都係另一個女人身邊,而我就獨自面對所有一切。我要嘅唔係金錢利益定或唔係要你出手幫助,我要嘅只係你可以出現係我眼前俾一個無聲擁抱。但我真係等夠啦,係我等嘅過程當中我發現到你已經唔再係當初愛我嘅你,因為你已經變成另一個滿口大話嘅你。一個我可以話佢針對,但2個以上都講同樣嘅說話就已經唔係針對。每次我都俾機會你去對我坦白,但每次你都無珍惜!傷害…你已經俾夠我,我真係唔想再痛落去,你放過我好嗎?對於我身邊嘅一切我已經唔敢再去相信,我真係怕左。你都已經搵到你新嘅另一半,咁請你好好愛佢。我祝福你地幸福快樂
請輸入密碼

溫度日記 Hearty Journal

刪除 貼上