喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

1月 31日的日記
我越黎越覺得做人做到好攰,我真係覺得除左個仔外其他嘅人或事都無值得我留係呢個世上。 今日同所謂屋企人加埋牙仔老豆嘈左鑊金,係呢件事上令我更加對佢地恨之入骨。係佢地眼中根本就唔需要尊重我唔需要要諗我感受,相反我做每樣嘢講每句說話都一定要顧及佢地感受。 發生任何事問題一定係我引發出黎,責任歸我,要檢討,要自責。 家不似家一個外人竟然係我嘅屋企篤住我個頭當我我個仔面前叫我走叫我離開,但我錯在邊到 ? 一個唔尊重你嘅人當你係狗咁呼渴難道悍衛自己嘅尊嚴係我錯嗎?唔通仲要笑晒口咁多謝佢問佢有咩吩咐?我係人唔係狗… 我唔識點向人搖頭擺尾。 不論係親情定愛情,我已經唔會再相信佢地會係對我不離不棄嘅人! 係我一生中邊個係傷害邊個係對我好嘅我又點會唔知,我需要嘅唔係物質或金錢…而我需要嘅嘢根本唔可以用錢就可以買得到。我真正需要唔係身邊要有個人24小時陪伴,而係當我軟弱嘅時候會有人同我講仲有佢係我身邊!但口聲聲講到自己為我點好,點去疼錫我嘅人通通都係離開我最快同時都係變心最快嘅人。今時今日係好多人眼中我係一個好堅強好硬淨,遇到任何困難都唔會軟弱嘅女仔。我都唔想自己會變得對任何傷害都好似無堅不摧咁,呢一切都係由佢地一次由一次嘅傷害而煉成!我都好想有一個人能夠俾我除低面具做返真正嘅自己,24小時入邊我最覺得輕鬆自在嘅時間係響所有人都訓晒嘅時候!呢個時候我先可以安心除低面具俾自己休息一下。記得前排陪個朋友去篤波,當時佢坐左係我身邊一陣。係果刻我望住佢膊頭突然我有種感覺好想放個頭落去,好想借黎用一陣。我知道自己已經係去到極限,不論身或心已經去到無法承受嘅地步
請輸入密碼

溫度日記 Hearty Journal

刪除 貼上