《能不能繼續對我哭對我笑對我好 繼續讓我為你想為你瘋陪你老 給你的好還要不要答案我卻不敢揭曉我只需要你在身邊陪我吵陪我鬧 別用離開教我失去的人最重要 別說你曾經愛過我 讓我們回到那一秒 你好不好》 by- 你 . 好不好 今日問佢係唔係想一齊返，佢答我《係》。 我應該係好開心先岩，因為都好清楚自己根本放唔低佢…但今次感覺好唔同，反而有種好攰嘅感覺… 其實我真係好想佢清楚咁知道我點解會離開佢。我唔係一時嘅鬧情緒，亦唔係用離開佢作為威脅… 我都係一個普通嘅女仔，我都會有無助都會有軟弱嘅時候。我唔係無時無刻都係好硬淨咁面對所有，我都好想會有個依靠。係我困境嘅時候只係好簡單咁同我講（唔洗驚，你仲有我！）已經好夠啦… 我一直都等佢真係會明嘅呢日出現，日子一日一日咁過我個心就一日一日咁淡。 至從再無見面之後我喊左幾多晚你知唔知？我答你無一晚我係會唔喊！ 我需要嘅係關心同被愛，有個問題佢從來都無真正去關心過就算直到今日佢都無提及過。 不過呢D我一早已經有心理準備，過去更難行嘅路我都可以撐過仲有D咩可以難到我？ 從來我無諗過要打擾任何人，同時無諗過做別人嘅包袱。 經過呢段時間，我更加明白人情冷暖 自己盡左力問心無愧就夠啦！ 如果真係有心想一齊返，俾我睇到你嘅誠意好嗎？ 唔好又係得個講字好嗎？ 從來我都無特別要求對方要為我做D咩，我都無諗過破壞對方屋企。 我寧願受傷嘅係自己都唔希望見到佢辛苦， 無人會鐘意做第三者…我愛佢先甘願啞忍好多問題，就算再苦再痛嘅日子我唔怕…因為有個會顧我感受嘅人疼愛已經足夠。但如果你唔愛就請你澈底傷害我俾個機會我狠心忘記你。 無論係人定或物件失去左未必有機會再次搵得返。 如果仲有機會希望你諗清楚何謂珍惜。 《麻煩說多一次 只怪是我沒經驗  多得你 使得心窩 只剩餘碎片 仍然陶醉 你狠心對待 仍然很冀待  肯施捨你愛 誰又夠我想得開 麻煩你傷我心 麻煩你使我再下沉  麻煩你 用心 使我痛哭可以更興奮 麻煩你使我更傷 誰人都說吃得苦 才被景仰 倘有些同情心理 麻煩你 盡量殘忍給我福氣 》 by-麻煩你