佢今日突然搵我，但佢無講挽留嘅說話去留我。其實係好事定壞事呢？但當佢講佢一直有睇我嘅日記果刻其實我真係忍唔住喊左出黎，雖然唔知佢係講真定講假但點解要到今時今日先話俾我知？係呢個時候，我係好想同佢講 （我好掛住你，我真係真係好掛住你。 我以為自己可以放低你但原來我係放唔低你就算到左今日我仍然係好愛你。 同時我真係好想叫你一聲老公，好想嗲嗲你。 ）不過呢番說話我忍住收埋係個心入邊，我都唔知點解自己會選擇收埋。但佢俾我嘅感覺係好矛盾，我知自己應該係好憎佢好嬲佢先係岩，但當佢講對唔住再扮慘慘豬我真係嬲唔落。最攪笑係佢講《芒果拎左去做果汁之後再生返出黎 》我果下真係笑左一笑，係得佢先會講D白痴嘢黎引我笑…正一傻瓜黎！ 其實我最想同你相處嘅方式就係咁簡單咁白痴，但唔知由幾時開始呢D簡簡單單嘅日子已經唔再係你想要嘅東西。 我就望住你離我越黎越遠… 到底你係純粹無聊搵我傾下計定係唔捨得我呢？你會好似以前話我仲玩wechat，會叮囑我唔好冷親但你又唔著緊我去見其他男仔。 唔好諗太多了順其自然吧…… 《仍想念你 若沒結果我為何深愛著你痛心的折磨 在我心裡藏愛你太奢侈應要放低你仍想念你 若是最真最深刻的愛被拋棄寧願沒回憶 完全地忘記愛上過不應該去愛的你 》by- 仍想念你