《是不是這樣的夜晚 你才會這樣的想起我 過去每晚裏都將我淡忘 究竟一生中眼淚為誰埋藏　 怎麼總要我絕望 誰又令我心裏淚難乾   是不是這樣的夜晚 你才會這樣的想起我 過去每晚裏都將我淡忘 究竟一生中眼淚為誰埋藏　 怎麼總要我絕望 誰又令我心裏如斯傷過》 原來要忘記一個人真係好困難，特別要忘記一個自己最愛嘅人。 睇返昔日甜蜜舊照回顧返過去一點一滴嘅日記，真係唔想就咁放棄！但唔想又有咩用？就算再做更多付出更多，對於一個已經變左心嘅人呢一切都只成為我俾佢嘅煩擾。 分開對佢或我根本就係一個解脫，我唔需要再放低尊嚴去愛佢，唔需要去做望夫石望佢幾時見我，唔需要再做一D我唔鐘意做嘅嘢黎討好佢。 最重要嘅係我有軒軒同埋肚入邊嘅BB就已經足夠，有好多人都問我點解要生出黎？其實當我感覺到佢踢我嘅時候，我已經唔捨得唔要佢地。雖然單親條路係好難行，但我情願自己辛苦都唔想放棄佢地，就好似黃生放棄我一樣被遺棄嘅感受係一D都唔好受，所以一直我瞞住黃生我無落到呢個秘密。其實佢知唔知都已經唔重要，因為佢根本從來無重視過我肚入邊嘅小生命。佢仲有咩資格成為BB嘅親生爸爸？ 我嬲佢恨佢嘅嘢唔係因為佢點對待我，而我係因為佢無重視我地嘅BB我先咁痛恨佢。 如果佢再次問我遇見佢係好事定壞事，我諗我會重新咁答佢…如果我有機會重新選擇我寧願從來無認識過你。