2017年我最希望就係可以見住我在乎嘅每一位都可以日日開開心心咁過同身體健康， 咁樣就已經足夠！ 至於我唔再會去希望自己嘅愛情會怎樣那樣，強求得到嘅未必係好，就算麻目付出苦苦等待一個人到最後都只係空等一個唔會再出現眼前嘅男人。 今晚電視播我最喜愛嘅戲《春嬌與志明》，估唔到我同佢嘅愛情故事竟然同呢套戲嘅故事，甚至對話內容都可以搵得到極之相似嘅地方可以用如有雷同實屬巧合黎形容。愛情總係令我地先享受甜蜜嘅滋味，之後熱戀期過黎帶黎嘅酸味，分手前夕嘴角總係嚐到一點一滴淚水帶黎嘅鹹味，最後就是分手後嘅苦味。現實中我同佢就好似電影中嘅余春嬌同張志明…從某D嘅共鳴而產生感情之後發生愛情，而同樣都係一段姊弟戀一個偷情嘅故事。 差不多3個月日子入面，經歷過無數嘅失望，無盡嘅傷害。我成日都問自己到底你有無認認真真為我做過D咩，我自己竟然俾唔到答案自己。以前你成日都會將一句說話掛係嘴邊你成日都會講有好多嘢唔一定要一日做晒，我地之後仲有好多日子可以慢慢做，但學春嬌咁講但有某D事係呢日唔做的話咁呢世都唔會再有機會做。