其實有時我會係到諗到底回應一句說話係未真係咁難？ 算啦……有心唔應你嘅人任你點痴痴地等佢都係唔回應你，有意應你嘅人你唔搵佢佢都會諗盡方法去搵你。 2016年唔開心嘅日子比開心嘅日子還要多，而且係2016年入面經歷左兩次愛情錯敗。經歷第一次錯敗嘅時候帶住好多陰影走，變得好怕自己一個人同時放縱自己一切。之後到第二次嘅錯敗令我澈底咁對身邊所有人都失去信心，而且連勇氣都消失埋。就算真心對待換取返黎嘅都未必係真誠，當初嘅承諾到最後只係變成痛苦回憶。係我最需要對方係身邊時…出現係身邊嘅從來都係甲乙丙丁。 電視今晚翻做志明與春嬌…點解個天真係好鐘意睇住我黎玩咁，當我睇嘅時候真係覺得好似講緊我同佢咁。一男一女相識、相愛嘅過程，有誤會、有隔膜，但只要當中仲有愛的話佢地根本咩嘢都唔會怕。不過《志明與春嬌》呢套戲都只係描寫熱戀期…… 如果真係貼切咁形容我同佢只有留待聽晚嘅《春嬌與志明》