溫度日記
Hearty Journal

12月 30日的日記
小希同我由朋友變成戀人,再由戀人變返做朋友… 咁就識左十五年。但意想不到嘅地方係佢一直放唔低嘅女人竟然係我,佢好後悔當初由得我離開佢。直到近排佢突然提出求婚嘅時候,我真係覺得好突然…同時我唔想人在心不在咁。身邊有好多人都問我點解要咁傻,點解唔為自己打算下。係當時我嘅答案係因為我仲係好愛黃生。仲好記得佢曾經講過我同佢嘅感情就好似火車咁,咁岩俾我睇到一篇用火車黎形容愛情嘅文章。《感情是場火車上的相遇》就算兩個人係同一列火車中相遇,但大家嘅起點同終點又係唔係相同呢?雖然火車上有好多陌生嘅臉孔上上落落,茫茫人海中剛巧遇上大家。但係愛情未發生前自己應該清楚對方終有一日會落車只係未知大家會唔會係同一個終點站咁解。而我同佢雖然係火車中相遇但無緣同一個終點站落車,或者我地一開始嘅時候用錯方式去愛對方。愛得太快嘅關係熱戀期只係得短短兩個月,當熱情慢慢咁消失嘅時候就代表呢段愛情將近死亡。人總係好奇怪,當有一個人全心全意去愛自己嘅時候都總會係嫌棄對方呢樣唔好果樣好煩…但當有一日一直對自己好好果位離開左自己之後先發覺到對方嘅重要性。呢D就係愛同被愛嘅分別,其實我好想問佢知唔知被愛到底係點樣?被愛係對方會關心自己任何嘅大小事,無論發生咩事對方都會做自己嘅後盾係自己耳仔邊講別怕,有我在!當自己傷心難過時對方會等待呼喚隨時充當聆聽者聽聽你心聲。被愛嘅人每一日都會收到一個關心嘅電話或短信,而被愛嘅從來都唔需要擔心得太多嘢,無牽無掛咁做自己鐘意做嘅事。無論發生咩事,就算錯了愛嘅果位只會將所有責任歸於自己。被愛嘅你又知唔知愛嘅一方諗緊咩?愛嘅一方會好關注對方一切,會好在意對方一言一語!愛嘅會擔心對方生活上嘅點滴就算經過一D鋪頭都會望望有無嘢適合對方。就算每次打電話或SD信息俾對方,對方總係冷淡膚顯,唔耐煩,唔聽唔接唔睇唔應,但自己唔知點解無辦法唔搵對方。愛嘅一方就算明知對方已經唔再愛自己,但仍然義無反顧寧願背住對方流淚都唔希望俾對方睇到自己已經傷痕累累,愛的將所有難過所有傷害自己一個揹上,咁被愛嘅你知唔知愛你果位個心其實好難受架?難道佢天生就喜愛被人無情對待?佢做錯咩而令你咁樣對佢?或者佢最錯就係認識到你吧…你仲記唔記得自己許下什麼承諾?邊個講過會保護對方唔俾佢再受傷再過住呢D苦嘅日子? 或者你已經忘記晒……你要記住唔係每一個人會一直對自己無條件付出,就算一個電話,一個笑容,一個慰問,對於愛你嘅果位係無價之寶。你唔會明白到愛你果位要從舊照上,昔日嘅信息中尋找返當初那份甜味係幾咁難受。你從來唔會知道我花幾多心機做幾多嘅事去為左討好你,我一直都好用心用力去愛你,就係愛你而令我已經好攰好攰。我都係需要被愛架你知嗎? 但俾我感覺到被愛嘅人已經再唔係你,我會重新去搵一個令我感覺到被愛嘅人。 因為愛人果位嘅感受係一D都唔好受……

溫度日記 Hearty Journal