《我無奢求過一萬次嘅愛情，其實…真心嘅一次就已經足夠》-愛需要勇氣 無錯，真心嘅一次已經足夠。曾經我真係覺得自己終於遇到自己嘅幸福，但原來只係一場夢。 同佢到最後呢段日子中每日都總係約即約離，每次我想放棄嘅時候佢總係會突然醒覺發現到我嘅存在，發現到我嘅感受。每次我都會心軟每次我都好自然要令自己再做好D黎討好佢喚醒返當初對我嘅果份愛… 但就算自己再努力改變，再為對方付出更多…原來對方根本都唔再需要。一直都係自己麻目咁討好對方…… 《愛情，係需要好大好大好大嘅付出。我到底有無呢個勇氣？》 謎似是你 看似沒法一起 就算收不到訊號仍找你 難極都不放棄 遲早可給你看得起 誰是你 有愛就有傷悲 但我更加想親近你 進入了禁地 別貪生怕死難關必須勇氣- 愛需要勇氣 愛需要勇氣而放手成全對方同樣都需要勇氣，當佢講《你唔係唔好，而係太好我唔配有一個對我甘好既人係我身邊》呢句說話時我知道已經去到盡頭。其實 唔配擁有點解當初又要同我開始？一直以黎就算獨自面對所有傷痛所有難關，痛過喊過後我仍然堅持…但到最後我又得到D咩？眼見佢越黎越陌生嘅時候，從佢身上我已經感覺到佢已經認識左另一個。雖然佢否認一切但有好多嘢根本就呃唔到人，或者係佢心目中我係離唔開佢所以連講一個好小小嘅大話都懶得去諗。明明都捉到佢正一正但佢都係例排咁選擇性視障扮傻扮無事發生過咁，呢D都係我預料中嘅事。 當經過今次之後，無可否認對佢我已經無左個信任係到，白痴嘅都知逢1，3，5跟佢車果位根本就唔係佢老婆而係另一條女…係佢以為我真係蠢到咁都唔知道。當我親眼見到佢老婆都無係身邊，但就呃我係身邊時。我更加相信佢根本同左第二個一齊。只不過佢唔去承認姐。 《To "let go" does not mean to stop caring, it means I can't do it for someone else  放手唔代表停止關心，而係我再唔能夠為對方分擔同承受》 我諗除左放手成全對方之外，真係諗唔到仲有咩係可以俾到動力我去堅持落去。如果果個女仔真係令佢開心令佢快樂我情願真係放手，或者我真正咁離開對佢或我可能係一種解脫。我同佢嘅愛都已經係過去式，仲有咩係值得留戀？我連攬住佢嘅感覺都已經唔記得左係點，而且我發覺我已經無左愛佢嘅感覺 。佢永遠唔會諗就算再深愛都敵唔過冷落，日子日複日咁過孤單寂寞嘅感覺已經澈底令熱情變成冷淡…由愛變成唔愛。