喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

12月 19日的日記
Mango, 咁樣叫你大家突然之間好似變得陌生咁。但除左咁叫你我都唔知應該點去稱呼你,老公?傻瓜?呢種親近嘅感覺我地已經好似失去左好耐…耐到我都唔知自己係你心目中嘅身份係咩?而你對我嘅感覺到底又係D咩?如果係之前的話我一定會尋根究底去問你,但依家知同唔知都已經變得唔再重要。其實我真係好想同你講我真係已經好攰啦,正選始終都係正選而後備情人終究都只係後備情人,千萬唔好諗會有一日可以取而代之成為正選呢個位置 。 由始至終係你心目中我都只不過係響你寂寞嘅時候出現係你身邊嘅她的代替品。你知唔知道我覺得係呢段關係中我最難受嘅地方係D咩?就算無得見面無得好似以前咁同你傾電話又或你要我無了期咁去等待,就算明知自己只不過係別人嘅代替品呢D都唔係我最難受嘅地方。我覺得最難受係你對我嘅愛理不理,忽冷忽熱同埋你嘅已讀不回。你唔會去諗諗我嘅感受同時你一D都唔會明白我係有幾痛苦,你唔會去諗一個人長期揸住部電話去等一個人信息等一個人來電…就算食飯定去廁所沖涼又或夜晚驚自己訓著第2朝趕唔切回應你,部電話永遠都係揸實係手怕會miss左每個同你溝通嘅時間,果種滋味你會明咩?你唔會明白到明明見住你已經睇左我信息但你又一直唔會回應我信息已讀不回。我就係電話上望住你不停上落線都唔會回應我一個信息,起初我不停俾藉口自己話你忙緊姐…我就一直咁等,一等就幾個鐘你都係無回覆過我一隻字或一個表情。呢種嘅失落你又會明咩?每個人都想自己愛嘅人去關心自己,你自問你關心過我幾多?我每次同你講我嘅嘢你有邊次用心聽用心記住?係上個月我有同你講話我情緒開始出現返問題但你又點?我要嘅唔係你一時三刻嘅好…我只係要求唔好愛理不理咁對待我,好困難嗎?到底我做錯左D咩而令你咁去對待我? 你有無去留意到我已經失去左某樣嘢? 至從你狠心傷害我嘅刻開始我已經失去左愛你嘅勇氣,失去左當初你最愛見嘅笑面。任何嘢都會有佢嘅期限,就算我有幾深愛你都好當個心攰到某個位置時都會有想放棄嘅呢段。但係放棄之前我都試過等你回心轉意,等你重新愛我,等你嘅被愛,等你真係改變。 但等黎等去原來只係自己一個on居居咁等,就算對你仲有愛嘅存在自知有D嘢已經變左質。一段由單方面苦苦咁堅持同經營嘅關係只不過就等同將熱情推向絕望呢個過程。就算更熱愛都敵唔過你一次又一次嘅冷淡回應,當我失望夠嘅時候任你叫我回頭重新開始,我都已經失去回頭嘅勇氣。呢D唔係我唔愛嘅表現而我真係愛到好攰! 愛係需要累積同時唔愛都係需要累積,當你俾我嘅失望已經令我再無法承受嘅時候就係我真正離開嘅呢日! 你仲記唔記得你曾經用火車黎形容我地呢段感情? 其實就算錯過左呢班火車你可以選擇再等下一班嘅火車又或者選擇其他交通工具,但反而你錯過左一個人咁就真係可能從此唔會再相見。但最重要嘅係將來你唔會再搵到一個同佢一樣一樣嘅人。 講到底,一個人會這樣轉變,有時是因為另一個人的來臨,但更多時候,是因為另一個人的永遠消失,最後他變成第二個余春嬌,「我好努力擺脫張志明,最後我發現我變咗另一個張志明」。世上有幾多人,在未變成「余春嬌二號機」之前,能夠如此深情愛一個人,愛屋及烏?能做到這樣,往往只限於交往的最初期,畢竟人就是這樣,沒得到甚麼就渴望得到甚麼;得到了甚麼就不珍惜甚麼;失去甚麼才悔疚甚麼;悔疚甚麼又無力挽回甚麼。
請輸入密碼

溫度日記 Hearty Journal

刪除 貼上