喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

12月 18日的日記
今日聽左兩首歌《愛我履歷 雷琛瑜》《我錯 雷琛瑜》,其實音樂真係可以表達到唔同嘅事,心情,睇法。 係我同mango嘅呢段感情中我都已經抱住一個放棄嘅心態面對,有好多嘅問題從來大家都無真正咁解決。一個就不斷咁追另一個就不斷咁避,一場追逐比賽中雙方都好攰…但到今日仍然拖拖拉拉嘅原因其實連我都唔清楚,係唔捨得?唔甘心?定還是係真係唔可以失去對方? 明明大家愛得就如愛到你死我活無法自拔,但去到最後呢個位置感覺就好似一個臨死嘅病人等待死亡結束生命。有好多時寧願知道真相承受傷害都要攪清楚究竟係你錯定還是我做得唔夠好?點解相愛嘅一對竟然會變成沉默嘅一對? 過去會期待對方嘅信息會用最快嘅速度回覆,信息中每一字一句都係充滿甜蜜但唔知由幾時開始回覆嘅速度越黎越慢甚至已讀不回。曾經每日就算只係留係車廂中陪伴對方工作都已經覺得滿足! 曾經受到對方細心無微不至嘅照顧過住幸福生活,大家會感謝對方嘅付出同包容! 曾經會有一個傻瓜知道對方無佢係身邊就唔食嘢佢會擔心,佢會緊張對方又有幾多日無訓教怕我身體頂唔住! 曾經係紀念日當天對方工作忙碌緊嘅時候走左去紋代表對方嘅紋身一粒星一個字母M係自己身上想同對方講我係屬於你一個的! 真係真係有好多嘅曾經…就係呢D嘅曾經,令自己發現自己越想去忘記就越忘記唔到。因為原來對方係不知不覺間已經融入左自己嘅生活成為自己生活嘅一部分… 我無後悔相遇到佢,亦無怨無悔如此深愛一個人。或許有一日大家真係要結束呢段感情,我都多謝佢曾經俾過幸福嘅日子我…令我感覺到被愛嘅滋味。邊個岩邊個錯…邊個付出多邊個付出少…邊個愛得多少… 又有咩咁重要?只要見到佢開心見到佢幸福自己同樣都會跟住開心。自知自己並唔係對方心目中所愛嘅一位,有時自以為係想對方好,自以為係關心對方。但原來呢D行為反而成為一種騷擾,打亂對方嘅生活!《兩個陌生人由相遇,相識,到相愛呢D都係由上天安排。多謝你來過我嘅人生。最愛是你mango》
請輸入密碼

溫度日記 Hearty Journal

刪除 貼上