當局者迷…呢4個字講俾人聽真係好易，但當自己係事件中嘅主角其實真係好無奈。係我同黃生之間到底仲有無愛嘅存在，呢條問題連我自己都唔識答！我都唔識點去形容大家之間嘅關係，佢明明就係一個我好熟識嘅人但同時佢又俾我覺得佢好陌生。我完全唔了解呢個人。當每次睇返以前每一個信息，我個心就痛一次。好耐佢都無同我真正咁傾下計， 大家分享開心同唔開心嘅事。當我同佢講我又無訓過啦…佢嘅回應竟然唔係關心嘅說話。我真係好掛住以前會去關心我嘅佢… 到底呢個佢去左邊牙？我真係好掛住有你疼愛嘅日子，好掛住愛我嘅你。係未我做得唔好你所以離開我？到底你幾時會返黎我身邊，依家嘅呢位我唔敢去愛同唔識點去愛。在乎我嘅你離開左之後我就失去左笑容，日子太耐連我都忘記左開心嘅感覺係點。 我有時都會問自己點解唔放棄呢，雖然佢答真愛呢兩個字不過就算係真愛只不過係一廂情願對佢嘅真愛而唔係兩情廂願嘅真愛。一場唔平衡嘅戀愛只會令人心淡，任你再多嘅甜言蜜語都好淡左嘅心都唔會再因為你一時3刻嘅好而再次甜起黎。我都講過好多次唔好愛理不理我但你有邊次係做到俾我睇？你要記住我唔係真係離唔開你，而係我知兩個人相遇相識到相愛並唔容易所以會堅持落去。但我係有感覺…我會寂寞我會喜怒哀樂我會軟弱我會渴望，但你總係視而不見咁去對待我…或者就係因為得到手所以你唔會珍惜同著緊，到失去左之後先發現原來曾經真係有個人咁傻去愛過你。