呢個世界有好多嘢大家都無可能會控制得到，由其係過去同未來! 過去發生過嘅人同事已經成為事實無法改變，同時我無預知能力唔會知將來發生D咩…如果我有預知能力的話，我一定唔會俾自己重蹈覆轍咁去相信男人，相信愛情。 有D問題我相信應該都真係夠啦，後備始終都係後備。 做後備嘅就唔好痴心妄想對方真係會將你放入佢眼內，或個心會只係得你一個。呢番說話講真係好容易但做就真係好難，我都以為自己能夠做到咁灑脫但原來放唔低嘅只係得我自己。 到依家呢刻我終於睇清楚同佢嘅呢段感情入面自己嘅位置係如此卑微。雖然自己都預料佢會忘記左我幾時去醫院，但當知道佢真係忘記果刻除左無奈之外就係唔知仲有D咩嘢可以同佢講。當SD信息俾佢嘅時候見住佢上左線唔睇，之後再SD信息俾佢…佢嘅答覆係老婆係到。 點解永遠都係老婆老婆老婆，點解連我一件咁重要嘅事都可以忘記。我真係唔識再點樣愛落去，面對一個唔在乎自己嘅人真係好辛苦。有好多嘢已經令我除左選擇放棄之外都再無其他可以選擇，我嘅離開或者係對大家都好。 而我靜靜離開都係對佢最後嘅愛…