今日唔知點解特別寂寞，好想有個人可以陪我傾下計，聽下我講嘢。愛情，友情定親情…到底邊到先會有真誠相對嘅人？ 我都唔知身邊有邊個係可以俾我去相信，原來人真係比鬼更恐怖。 兩位BB今日係咁好百厭係咁郁，今晚係你地最後陪我嘅一晚媽咪真係好唔捨得你地係我肚肚嘅日子。因為呢段日子只有你地陪住媽咪笑陪住媽咪喊，聽媽咪講心事。其實就算爸爸唔想要你地但媽咪寧願做單親媽媽我都好想生你地出黎，不過媽咪真係無能力去養大你地我先唔帶你地黎呢個世界受苦。到底我應該要點樣先會搵到真正嘅幸福，我都唔知自己做錯左咩要咁折墮。一個又係咁兩個又係咁… 經過黃生後我更加唔敢相信愛情，更加唔敢相信任何承諾。 我諗佢應該忘記左我要去醫院嘅呢件事lu，不過我都已經習慣左佢無心會記住我嘅事。以前有好多大大小小嘅事我都會好鐘意同佢分享因為佢真係會記得所有嘢，但依家反而越黎越少同佢講我嘅嘢。最多都係交代下出街出門搵人，越黎越生疏。好似就算我同佢講我每日發生過咩事，未又係我有我打字佢有佢已讀不回。有意思咩… 呢D根本就唔係我想要嘅嘢。 以前佢同我講過佢知龍仔對我係愛理不理，成日掟低我自己一個，唔在乎唔著緊唔關心，永遠只有我sd信息龍仔而龍仔就一係hea答另一就已讀不回，我喊嘅日子比笑嘅多。所以佢一定唔會咁對我，唔會再俾我過返呢D日子!! 黃生你已經未又係同龍仔一樣咁對待我，呢D就係幸福？