喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

12月 11日的日記
不知不覺間發現到自己對黃生嘅感情開始越黎越淡,今日佢主動同我講會出街但佢老婆會係到。如果係之前我一定會有唔開心,但今日佢講嘅時候我已經無左果種失落嘅感覺。或者自己都已經預左佢實會講老婆跟住係佢身邊掛… 之前我都仲會幻想當佢終於可以見我嘅時候會係點,但依家好似連幻想都唔想再幻想。經過得太多嘅失望,太多嘅無視… 講又同佢講過傾又傾過,就算見唔到都唔好愛理不理咁對我。結果未又係得果一日貨仔嘅關心俾我囉,我要嘅根本唔係呢D ! 唔係到知我想走先至識得去理一理我或講一句對唔住, 有D嘢無左就真係無左… 特別係人嘅感情。 我認我真係經唔起呢個考驗,唔係我唔想經而係對方俾唔到動力我去經呢個考驗。我都唔知自己依家到底係到等緊咩嘢,好似漫無目的咁去等 ! 有時我想要嘅係一個回應或一個答覆,但對方總係迴避問題。 就算係附近都唔願望見我一眼,我就算更愛都會有灰心嘅一日。 佢始終都唔明呢樣嘢,男朋友我真係唔怕自己會無只在平我俾唔俾佢做我男朋友。或者佢根本就無視左我係有權選擇另一個他去取代佢嘅位置,係呢段時間身邊都出現好多唔同類型嘅男仔… 雖然佢地用女皇嘅方式去對待我,但就係少左叮一聲嘅果下感覺。我相信當我遇到呢下叮一聲感覺嘅人出現,佢呢個位置就會由其他人黎取代。 我都需要關心需要疼愛架你到底明唔明牙黃生,每次都只係同我講暫時暫時…見同唔見對於我黎講根本已經係發夢都無咁早嘅事,如果係有心嘅whatsapp開cam望下都係一份心意。 就算開左都唔會有人知根本就無記錄,就連呢點都無去做過去哄過。到底係我嘅要求高定還是係對方懶得去做? 可能佢就係咩都唔做反而對我會更好, 因為我咁就唔會心軟,唔會再有任何嘅希望。 當我整理我地之前影嘅相我係好掛住佢係我身邊嘅感覺同日子,但我知道現實嘅係唔會再有機會出現。 依家呢段感情我只能用等死黎形容,或者個天會憐吻呢段感情俾個奇蹟出現。但我已經唔敢再俾希望自己去麻目地等奇蹟出現,任何嘢都有佢嘅期限就算愛情都會有佢嘅期限。好嘅愛情每個人都會希望係一萬年,但壞嘅愛情恨不得立刻就到期。
請輸入密碼

溫度日記 Hearty Journal

刪除 貼上