喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

12月 5日的日記
呢排我每日都俾人鬧我同一樣嘢,大家都鬧我做人就係太好人唔會諗左自己先去諗人地。到最後人地又有無去諗我嘅感受,又真係好似到最後都唔會有人諗下我顧下我感受。無論係親情定愛情都係,我真心對待佢地但換黎嘅竟然係無情對待同遺棄。係我出事無助嘅時候只係希望得到陪伴支持 ,只係唔想自己一個去面對所有問題但可惜無人會肯做呢個角色。唔通人真係要咁自私嗎?當對人越好嘅時候對方就越踐踏自己嘅底線直到滿身傷痕咁轉身離開… 每次選擇離開前我都俾過無數次機會,希望失望希望絕望… 我已經受夠呢d感受,我真係唔知身邊係有邊個值得信任。我都聽過好多嘅你不離我不棄嘅承諾,到最後又有邊個真正咁做到?每個都話唔會掟低我一個到最後係邊個遺棄邊個,邊個唔理邊個? 當我付出所有嘅時候,又有邊個真係會識去珍惜?呢個世界唔會有人無條件咁付出,當有個人為自己付出嘅時候我地唔係應該感激對方嗎? 點解好多人都會覺得理所當然?有好多時一個人選擇離開都唔會係一時3刻嘅決定,呢個人絕對係累積得太多嘅失望之後變成絕望先會選擇離開。但往往得到別人付出果位總係覺得所有嘢只係付出果位自願咁做係佢on居姐,無錯係自願咁做…但唔代表唔需要被珍惜。有權向你付出就自然有權收起對你付出嘅一切,當被收起嘅時候就會問點解你唔再為我付出?答案只係唔珍惜呢3個字,假如我感受到對方會去珍惜我嘅所有…我一定唔會選擇離開。而我選擇離開必定係對方無好好珍惜我先會走。但人總係到失去先會識得珍惜識得後悔,但當你後悔嘅時候有好多嘢都唔會有重新機會。
請輸入密碼

溫度日記 Hearty Journal

刪除 貼上