有時真係都覺得自己好唔爭氣，成日心思思諗起佢無意間又㩒返以前第一日識嘅對話由頭到尾睇多一次，每睇一次就令自己痛多一次。以前搵佢佢就算揸緊車都會識答我《我驚我唔應你，你會唔開心》但相反嘅依家只係已讀不回，同嫌煩咁膚顯兩句。或者就好似朋友所講嘅男人心態我吸引佢嘅剩係得靚同新鮮感。新鮮感過左就愛理不理因為根本無幾多感情係到，因為佢地呢種人會好快對你無左新鮮感跟住覺得你煩，因為跟本一開始佢地就唔係諗住同你過世根本無愛存在過，呢D係男人天性黎無左先識珍惜不過所謂珍惜都係得果一陣間過左又回復原狀。點解人係可以咁恐怖？愛你嘅時候會將你寵愛有加，當唔愛嘅時候你做幾多付出幾多係佢眼中都係打擾。或者就係越得唔到就越想得到，但當得到後就無左挑戰性就唔識珍惜… 感情都一樣。初初會話同你一齊當然要比開心嘅日子你等人地知道你開心幸福…但最後我開心定唔開心佢都唔再理會。唔知我幾時能夠唔怕睇到有關佢嘅相，幾時可以狠狠一次過del晒所有回憶，幾時唔再諗起佢？我畫左一幅係佢架車嘅掃描終於完成左，但佢永遠都唔會收到呢份禮物。就算收到佢都唔會有感覺咁送黎做咩？佢都唔會睇到當中我係花左幾多心機。不過太遲啦…到最後一次機會佢都無去珍惜無去重視。我唯一只好慢慢忘記，唯有轉身。就好似當初佢講過一句說話《甘分開可能係好事黎呢意味著你將會搵到一個更好》講埋最後一次嘅說話，老公我真係真係好愛你…就係太愛你而令你不懂珍惜。但我選擇離開並不是你錯而係緣份天注定。希望你同她幸福快樂。