喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

12月 1日的日記
我真係好想知一樣嘢到底佢對我仲有無份愛係到?當愛一個人嘅時候,你會好自然咁關心佢著緊佢。但我嘅嘢佢有關心到咩?我開心唔開心,我每日發生過咩事佢問都唔會問下我一句。呢D係愛一個人嘅表現咩? 同佢講我唔舒服好似發燒近排都成日暈,我係講左牙但佢無在意過炸ma。我根本就係同空氣講嘢,都無人回應嘅。 如果我問佢仲記唔記得我心目中一直最想最渴望嘅愛情到底係點…我諗佢早早已經忘記左好耐。 我唔需要我另一半靚仔有車有樓有錢,但我需要嘅係對方會對我好,會在意我,會珍惜我。就算佢窮俾唔到少奶生活我唔緊要架,如果個男人係值得我同佢去捱就算再難捱我都唔會覺得係捱。因為身邊有位疼錫我嘅人已經足夠。 曾經呢個角色黃生係做得好好,係一個100分嘅男朋友。但到依家呢一刻黃生你覺得自己配唔配得到呢100分呢?你實覺得我又係時候跳制發作,但點解你唔會諗下我因為咩事跳制? 咩都怪晒我先,係我問題係我跳制。 夠啦真係…你要明白假如我仲會識對你跳制發你脾氣扭計咁代表我仲係愛你,但我唔再愛你嘅話你做咩都唔會影響到我情緒…更加無本事去令我跳制。 你記唔記得自己以前點樣話過龍仔唔珍惜我嗎? 其實你依家對我同果陣佢對我嘅有咩分別?我真係睇唔到個分別係邊到… 你話我成日攞你同佢比較邊個有幾唔好,我認我有心咁做…如果你係有做好返你男朋友責任又點會有機會俾我攞到黎比較邊個夠衰呢? 如果你有係我角度到感受過的話,你會發現我一路承受你每次嘅無情傷害係有幾傷。 你知唔知俾人無視嘅感覺係點? 你知唔知被當做玩具嘅感覺係點?就算對對方再好再愛佢,但對方都無放係眼內果種嘅難受感覺係點? 當你有事但對方根本唔想理唔想提果種無助感覺係點?你通通都唔會明白果種感覺係有幾難受有幾 堪呵。你有諗過我感受根本就唔會令我想放棄。我只係感覺到你係折磨緊我而唔係愛我,愛一個人唔會係咁架。 你唔係令我覺得幸福牙你只係不斷地令我覺得痛苦…我根本無一日係開心,你係知道但你可以做到唔關你事咁咩都唔理唔問唔關心。你記住到我選擇離開嘅時候,我已經俾左好多次嘅機會但你無珍惜過我俾嘅機會。失望得多就會變成絕望…到我決心真係走嘅時候任你點樣去挽留我都唔會返轉頭。你放心我唔會再唔開心落去,因為你都無在乎過我嘅一切就算我再點難受你都同樣只係視而不見。
請輸入密碼

溫度日記 Hearty Journal

刪除 貼上