※我變做了鋼鐵　但未完全勝利無人晚上會記起我都想可以脆弱到　仿似瓷器極易碎那顆心　就如玻璃我變做了鋼鐵　屹立茫茫戰地形成最礙眼對比若我得到常人　戀愛運氣又哪用鐵金剛　一雙鐵臂如可強硬到孤單都嚇退要滴過幾次淚　才夠建築        永生的身軀然後我掃得低　 一支軍隊先知過去如水　 堅毅至此　原來回不去※ 其實我真係好鐘意呢隻歌，成日都會覺得唱緊我咁。我外表俾人嘅感覺總係覺得我係一個好男仔頭好堅強嘅女仔，或者係掛… 但我其實一d都唔鐘意做堅強嘅女仔，我好想做一個小女人我好想會有個人會永遠唔佢掟掉我永遠都會保護我。 但呢個人又係邊，幾時先會出現呢？係我嘅生活中唔可以唔堅強，因為我嘅依靠只係得我自己，我唔可以俾自己軟弱因為我要好好咁保護自己。 夜晚一點我終於食我全日嘅第一餐，食左兩啖根本就食唔落完全無胃口… 不過食唔落都唔緊要我只希望今晚可以訓得到，我成個人真係好攰已經第三晚無訓了。今晚都訓唔到我都要食訓教藥去令自己訓… 近排自己都留意到自己好似慢慢咁收埋自己，開始唔係咁想出街，唔係咁想去搵朋友。寧願自己一個係屋企靜靜地咁我仲覺得舒服好多… 今日諗到個問題…我好想問佢其實佢覺得自己對我算唔算好? 唔知點解我真係好想知佢會點答… 如果佢反問轉頭的話，我會答佢如果我用返你對待我嘅方式去對待你…我好相信你已經走左好耐lu！呢個世上唔會有人鐘意自己被自己愛嘅人一直忽略，有好多事對方只會顧佢自己嘅感受… 等等。 我唔講或者你可能會唔覺，不過知道又點呢，我唔會再俾自己諗到錯晒…唔會諗你會唔會為我去改變。有時唔諗唔理裝傻扮蠢我咁樣仲輕鬆好多,相反你答我嘅答案或者我會唔鐘意而令自己辛苦未仲慘