唔知你仲記唔記得之前我有叫你聽《無表面傷痕》呢隻歌呢? 我諗你十成入邊一定有十一成係我講完之後唔需要10秒你已經好快咁忘記左。 我估你依家應該會係到諗今次仆街了，但唔知點解連自己都分唔清我係已經麻目接受定還是係開始有想放棄嘅念頭？連想借D意發你脾氣，扭計要你哄嘅念頭都好似突然一夜間消失。 我唔係唔愛你，但我又好似已經無之前咁愛你。定或從你近兩個月開始俾我嘅感覺一直只係自己一廂情願愛下去。 我已經覺得有點吃力有點攰嘅感覺… 你知道嗎，假如我有一日真係變得無脾氣，唔會呷醋，對你變得越黎越客氣，唔再在乎你記唔記得我嘅事時。我諗到左呢日我真係唔再愛你。 你今朝第一句嘅說話係話佢係到…之後我答你預左。你可能連我係觀察力方面比較強呢一點都唔記得啦，我係早早嘅時候已經留意到你係星期 3，星期5同6都總會係做左失蹤人口。有時我唔講唔代表我無留意到嘅。 或者我唔講都只係希望某D大話仲能夠可以呃到我自己掛。其實你陪佢當然係正常嘅事，但 我話我無唔開心或呷醋咁就一定係講大話呃你，唔多唔小都會有D唔開心… 但我知道唔係屬於自己嘅嘢就算係點都係唔屬於自己… 我都好清楚知道你係我從她人手上靜雞雞係佢留意唔到之下偷取得黎嘅幸福。但最終你都係會有一日離開我… 有時連自己都會覺得自己好on居，明知個結局我到最後都總係被拋低果位但我仍然唔怕痛咁玩火。之前都已經俾男人玩感情玩到呃晒所有積蓄，玩到可以因為一個愛字作任何付出都願意，結果我得到嘅係傷害同痛苦。 經過左慘痛經歷後以為自己唔會再相信愛情唔會再相信男人，但個天偏偏鐘意玩我…見上次玩我唔死今次再玩第二樣。 同我玩緣份呢回事，千算萬算點都無諗到係附近的人隔咁遠竟然咁都俾你搵到我。最可愛嘅地方就係咁耐以黎你真係唯一一個會咁巧合會相遇嘅人之後真係再無出現過同你有相同嘅情況出現。 到底個天想玩我玩到幾時先會捨得放過我？ 點解要俾一個機會我遇到你？你係第一個令我感覺到自己終於遇到幸福嘅男人，雖然你無為我做過D特別刻骨銘心嘅事。但我只係知每次你出現係我身邊就算只係坐係車入邊咩都唔做我唔知點解都會有幸福嘅感覺出黎。不過開心嘅時光總係唔會俾我過得耐，係我覺得自己好幸福之制突然間你開始覺得我痴身，開始覺得我搵得你太密，慢慢同我就越疏越遠。 我就慢慢開始就諗好多唔同嘅嘢去討你歡心，好怕自己會講錯說話做錯嘢令到你嬲唔高興。而我同時都越黎越大壓力… 笑容都慢慢咁消失。 到底我做錯D咩，而令你如此討厭我? 我真係唔值得你好似最初咁去疼愛我嗎？ 難道越真心越珍惜對方反而越不會受到對方同樣珍惜? 有時我真係會諗假如我真係突然有一日無聲無色之下咁消失，對於你黎講我就算消失都唔會有任何影響。對吧？ 點解我拍親拖都好似注定一定要我受好重嘅傷，要我孤獨去面對任何一切。 我真係好攰啦…有時真係好想放棄自己一切所有。可能我假裝堅強裝得太耐，鐵人今次真係倒下了。 我叫你聽無表面傷痕，其實隻歌嘅意思係講 有些痛，你以為久了會沒有 有些痛你以為時間會醫療過著過著 痛小了，但轉化成傷痕不觸及，沒事的一觸及這個故事……這個女孩遇上一個人一開始他們談天，說笑，分享大家生活。女孩從沒想過會與他發展下去，最後這個人影響女孩最多。他給予女孩幸福日子，女孩第一次甜絲絲的在他身邊陪他上班。他給予女孩肯定女孩第一次感受被愛和呵護的感覺，他給予女孩力量他鼓勵女孩忘記痛苦。使她感受從未有的幸福，他影響女孩的性格女孩第一次為他改變，為他折腰，為他進步！ 日子漸漸過著感情亦漸漸累積他終於得女孩歡心，女孩亦準備捨棄過去去跟他開新的生活原本最甜美的結局　因一個誤會轉變成最惡夢的焦土愛。是最強的力量也是最強的武器發現醫療這個傷口暫時是這女孩最痛最痛的回憶。