喧囂的時代裡,溫度日記是一個溫馨寧靜的空間。在這裡,人們卸下疲憊、吐露不勇敢,得以再次遇見那真摯的自己。天不常藍,我們依舊溫柔堅定著。

溫度日記
Hearty Journal

11月 21日的日記
4個月快樂,我係未應該要好開心咁講呢?但我已經好似忘記左開心嘅感覺到底係點,而開心嘅表情都好似失蹤左咁。每日起身就例行公事咁帶返個面具去面對任何人同事,到夜晚就除返個面具落黎。係面具底下嘅我,其實真係好想佢會好似以前咁去關心我,又或好想佢會望下我一眼。就算係佢身上只係得到一絲嘅溫暖,我已經好足夠。唔知今晚可以訓得到嗎?我嘅精神同體力都已經支撐唔到落去我真係好攰好攰,其實我好想同佢講我失眠嘅日子已經復發返好耐好耐。一直我都唔敢同佢講,每次我搵佢之前其實我揸住部電話望住個mon掙紮好耐先敢去搵佢。但搵都唔敢打得太多或太長,好怕佢會覺得我煩厭。我成日都會問自己點解要咁辛苦自己,佢都已經表現出唔再愛自己啦。點解寧願繼續受傷落去都仲要愛落去呢?我都唔知自己點解都唔識答。望住自己嘅傷口越黎越深越黎越多嘅時候, 我真係好想佢會有一日伸手去摸摸發現我已經傷痕累累。而我眼中嘅幸福眼神係無數嘅晚上已經俾眼淚慢慢咁沖走左。就連訓著左都好唔知點解成日都會扎醒,但當我醒嘅時候發現個枕頭總係會被眼淚浸濕。我越黎越怕自己一個人,越黎越怕訓教。因為我唔想連唯一可以留住甜蜜回憶嘅地方都慢慢咁消失。好掛念叫佢老公嘅日子,好掛念佢叫我老婆嘅日子。黃詠豪我真係好愛你,但你就算知道都好你已經離我好遠好遠。你已經唔會再回頭望望我一眼… 而我望住你背影越行越遠而我就一直站係原地默默數住自己嘅眼淚去等待你回來嘅一日。
請輸入密碼

溫度日記 Hearty Journal

刪除 貼上